Патување без стрес

Со кола

Многу родители на првиот одмор со бебе патуваат со кола:

Испланирајте го патувањето на ден кога не се очекува голема сообраќајна гужва.
Тргнете во време кога бебето е уморно и за брзо би заспало
Променете ја пелената и нахранете го пред да тргнете
Заштитете го од сонце во колата, на пр. ставете крпа или сенка за заштита од сонце на прозорецот до бебето. Бидете внимателни со клима уредот: бебињата се ладат побрзо од возрасните. Внимавајте да не го изложете бебето на провев кога е отворен прозорецот.
Правете пауза од барем пола час на 2 часа возење.
Понесете HiPP Овошје и Житарки за патувањето. Не заборавајте да спаковате доволно пијалоци за патувањето.
Чувајте ја храната на лесно достапно место и во кеса за ладење, но не ја ладете премногу. Не заборавајте да понесете крпи, влажни марамици/HAртиени шамивчиња и кеси за отпад.
Секогаш седнувајте ги бебињата во седишта за деца, соодветно за нивната возраст, за време на возење.

Со авион

Педијатрите немаат ништо против летање со авион на одмор.
Само со еден исклучок: настинка! Промената на притисокот може да предизвика силна болка во ушите. Капки за нос помагаат, но за секој случај најдобро е детето да го прегледа доктор.
Прашајте ја авиокомпанијата за посебни седишта за семејства со бебиња. Многу авиокомпании обезбедуваат креветче за спиење за долги летови.
Во секој случај во рачниот багаж треба да имате шише и цуцла, дебели чорапи, ќебе, пелени, влажни марамици и играчки/книги со слики за занимација. Стјуардесите ќе ви ја затоплат храната за бебето или ќе ви донесат топла вода за подготовка на млечна формула доколку Ви треба.
Внимание: течности се дозволени во рачниот багаж но во ограничени количини. Течности и гелови (на пример производи за нега на тело) не смеат да надминат 100мл и мора да се носат во прозирна кеса која се отвора и затвора. Храна за бебиња потребна за летот е исклучок и може да се носи надвор од пластичната ќеса.
За време на полетувањето и слетувањето доете го бебето или имајте спремно шише и цуцла. Голтањето помага да се изедначат притисоците. Во спротивно бебето ќе добие болка во увото.
Воздухот во авионите е сув. Затоа давајте му нешто да пие често.
Бебињата најчесто патуваат бесплатно или се наплаќа само 10% од авио-билетот. Затоа, не добиваат одделно седиште.